هيلللوووو
بشاركم اليوم بمفضلتي وهي الاشيا اللي حبيتها في شهر ٤،تكون منوعة سواء برنامج أو لعبة أو اكلة ! بكل بساطة الاشيا اللي ادمنتها هالشهر D: ..
لعبة Hay Day
احم..اللعبة مش جديدة وكنت العبها من اكثر من سنة لكن وقفت على كورس التخرج ومن فترة رجعت لها ووصلت في قمة ادماني لووول..لدرجة اني صرت اشيل الايباد معاي كل مكان بس عشان اهتم في المزرعة واخلص المهمات أول باول.. وللي مايعرف هاللعبة هي بكل بساطة ان يكون عندك مزرعة فيها حيوانات وشجر وزرع ولم تاخذ المحصول المنوع ممكن تصنع اشيا وتبيعها وتكمل مهمات وهكذا..وطبعا هي لعبة اجتماعية تقدر تضيف اصدقائك وتساعدهم في مهماتهم..وهاللعبة تقريبا نفس لعبة Farm Vill!
مسلسل Devious Maids الجزء الثاني
رجع مسلسل ديفيس ميدز شهر ٤ في الجزء الثاني ومستاانسة حدي لان قصته تونس وانترستنج ويعني يشدونك في كل لحظة!
المسلسل كوميدي درامي وغامض يتكلم عن حياة ٤ خادمات مكسيكيات يشتغلون عند أغنياء بيفرلي هيلز وحدة فيهم جامعية لكن اشتغلت خادمة في هالبيئة بس عشان تكشف عن تفاصيل واسرار الجريمة اللي صارت في حفلة من حفلات أحد أغنياء بيفرلي هيلز ولان ولدها كان متهم بارتكاب هذي الجريمة! طبعا هذي البداية بس وتفاصيل الحلقات غريبة ومشوقة بشكل مش طبيعي.. والسيزن الثاني حسيته بعد مليان غموض ومشاهد حلوة وصرت اعد الايام متى تنزل الحلقة 3>
حبييت اضيف ان اللي أخرج هالمسلسل Marc Cherry هو اللي اخرج ديسبريت هاوس وايفز! فتخيلو ديسبري هاوس وايفز بت مور تويستد!! مايتفوت!
الرياضة
هههههه شي جميل جدا ان وحدة خليجية قضت شهر تعشق الرياضة أكثر من الشوكلاته :P
تدرون ليش؟؟ لني حطيت فبالي شيين اما اني اسوي رياضة تموتني واتكسر واتوب اني ارجع لها أو ان اسوي رياضة معقولة احرك فيها جسمي وتونسني واستمتع وانا اسويها وفي نفس الوقت احافظ على صحتي!
اللي سويته اني ربطت رياضتي بوقت الشاور..يعني اذا فكرت اخذ شاور اقول حزتها قومي سوي رياضة عشان تضربين عصفورين بحجر وتتسبحين مرة وحدة (فكر مافي مخ) خخخخخ
فهالشي شجعني ان اسوي رياضة اكثر من مرة في الاسبوع ...
بالنسبة لنوعية الرياضة؟
استخدم Elliptical Trainer ٢٠ دقيقة وعقب انتقل للمات اسوي رياضات منوعة على كيفي لمختلف مناطق الجسم لمدة ربع ساعة تقريبا.
الالوان المائية
لم كنت فالروضة والابتدائية كنت احب الرسم والتلوين والفن بشكل عام بس كل ماكبرت كل مانسيت هالاشيا وصارت ماتهمني لين هالشهر قررت اشتري الوان مائية بعد ماشفت تلوين وحدة في انستاغرام وحسيته يجنن فقلت خل اجرب مدام انا فاضية واول ريدي عندي دفتر تلوين خاص بالفاشن..وصج لم جربت حسيت بمتعه مب طبيعية كلش...لدرجة اني صرت احب اسويلي جو خاص عشان الون واذا خلصت وجا وقت النوم احس بالي مشغول ومتحمسة اني الون رسمة ثانية واقوم من فراشي وارووح الون للفجر ^ـ^كان صج ادمان خلال هالشهر *ـ*
ايسد جرين تي
جربت عند صديقتي ايسد جرين تي لاول مرة ومن بعدها حبيته من قلب وكنت اقول ويني عنه من زمان عايشة عمر عالخوخ بس! اللي بالشاي الاخضر يجنننن! واحب احط معاه فراولة وثلج نم نم... واخر مرة ولان ماكان عندي لبتون رحت سويت لي ايسد جرين تي من اكياس الشاي الاخضر العاديه *ـ* طلع منعش وانسحكم تجربون في هالجو *ـ*
شبس عمان و لبن بونص (٧٥. درهم)
وأخييييررررا
اعشق اعشق اعشق هالتركيبة لدرجة ان وصلت فيني اتعشى جبس عمان ولبن بس!! يجنن والله *ـ*
ليست هناك تعليقات:
إرسال تعليق