لوس انجلوس: مدام توسود

مدام توسود متحف شمع في هولييود،وهو تاسع فرع في العالم. المتحف يتكون من 115 تمثال شمعي للمشاهير والشخصيات المعروفة في أمريكا.

المتحف ماكان في الجدول لاني رحته قبل في لندن وانتظرت 3 ساعات في الطابور بس عشان التذاكر وكان زحمة مب طبيعية،فقلت ماله داعي اروحه مرة ثانية في امريكا..لكن لم كنت في لوس انجلوس مريت بيه وكان مب مزدحم فقلنا ندخل ونشوف،والحمدلله اني دخلته لان المتحف حلو ومش مزدحم،والشخصيات الموجودة غير عن اللي بلندن! هيهي

 

والحين صور تايم *_*

 

 



جينيفر لوبيز



جستن تمبرليك



ويل سميث



جستن بيبر



توم هانكس في شخصية(فوريست قامب)



روبن ويليامز



E.T



الرياضي:توني هاوكس



Iron Man



مورجان فريمان

 

 

طريقة صنع التماثيل

 

 

لوس انجلوس: Hollywood & Highland Center

هولييود آند هايلاند سنتر، هو مجمع تسوق مفتوح فيه محلات منوعه وحلوة مثل سيفورا،ليوي فيتون،فيكتوريا سيكريت..وفيه مطاعم وثيتر ومحلات تذكارات منوعة.

ومن الطوابق العلوية لهالمركز تقدرون تشوفون لوحة هولييود

 

صور:

 

 

 

ومثل ماتشوفون يطل مباشرة على هوليوود بوليفارد،فبعد التمشي في المركز على طول نزلنا الشارع^_^

 

 

 

يتبع في بوست ثاني



لوس انجلوس: هولييود بوليفارد

هولييود بوليفارد شارع كبير فيه فعاليات ومراكز ومتاحف خاصة بالسينما، الشارع فيه حياة وحركة وفيه اللي يسون عروض موسيقية أو يلبسون ملابس تنكرية عشان تصورون معاهم ^_^

 

 

 

وفيه بعد

Hollywood Walk of Fame

Hollywood and Highland Center

Dolby Theatre

Hollywood Wax Museum

Madam Taussauds Museum

Ripley's Believe It Or Not!

 

وغيره الكثير،بس هالاشيا اللي كتبتها هي اللي كانت تهمني وحسيتها ممتعة واللي بالازرق هي الاماكن اللي زرتها،رحتها كلها في يوم واحد^_^

لان قراب من بعض وماكان في زحمة طوابير في المتاحف وجي...

بس اللي ماخلاني اجي يوم ثاني عشان اكمل باقي المتاحف .لان بصراحة اللي يسون عروض موسيقية او يسون اعلانات وايد كانو يزعجونا ويوقفونا..واذا ماهتمينا لهم يهاوشون ويعصبون وفيهم قلة أدب..لدرجة ان حتى مع الاجانب كانو يتهاوشون ويسبون اذا ماشرو من عندهم شي XD

يعني انصحكم ماتوقفون لهم كلش وخصوصا اللي يقولون لكم انا مغني واسمعو السيدي مالي..ترى مايهدونكم الا اذا دفعتو واذا طنشتوهم يغلطون وجي..احسهم مب صاحيين&_& واصلا هم حرامية لامغنيين ولا شي <<لوول وايد محترة عليهم لان قصو علي!

 

كان هدفي الاول ان اروح هولييود آند هايلاند سنتر

 

وعقب طلعنا في شارع هولييود وتمشينا ورحنا المتاحف^^"

 

المهم كل مكان رحته بيكون له بوست بروحه

لأن عندي وايد صور فبيكون أرتب لكم

 

 

بباي

 



لوس انجلوس: Getty Center

 

فتح Getty Center في لوس انجلوس عام 1997، كانت محتويات المتحف مجرد مجموعات من الانتيكس واللوحات يمتلكها أحد أغنياء أمريكا Jean Paul Getty ويحتفظ بيها في بيته، وبعد وفاته تم تأسيس مركز جيتي ابتداءا بمجموعته واستخدمت ثروته اللي توصل ل2 بليون في تأسيس المركزوتطويره وفتح قسم أبحاث ومتحف فيه انتيكس ولوحات فنية وصور فوتوغرافية.

وأيضا في المركز في معارض شهرية وأنشطة للأطفال وللعائلة.

جيتي سنتر موجود فوق تلة من تلال لوس انجلوس،فلم تروحون له تنزلون في باركنج  وفي قطار ينقلكم لفوق التله للمركز!

لكن اللي يضحك ان احنا كنا ماشين عالGps وحضرتها ودتنا فوق التلال بالسيارة  XDلدرجة ان وصلنا لأعلى مكان فوق ويخرع والرؤية شبه معدومه لكن طبعا نزلنا لان مايصير نروح المتحف على طول بالسيارة.... بس بصراحة كانت مغامرة حلوة لأن شفنا ان حتى فوق التلال في حياة وفي ناس عايشين في هالمناطق  ويعني كانت تجربة مخيفة بس كوول في النهاية^^"!

 

وهذي صور المركز من الخارج

 منظر للتلال المجاورة^_%

المركز مشهور بالحديقة اللي تعتبر أيضا قطعة فنية،بس للأسف كانت مسكرة بسبه الاجواء..

 

 

من داخل متحف جيتي سنتر

 



 

 

والجدير بالذكر ان بامكانكم تزورون فيلا جيتي اللي بدأ مجموعته فيها في منطقة Palisades في لوس انجلوس..لكن انا مازرتها لضيق الوقت^_^ وطبعا المكان بعيد شوي عن المركز.

 

 

الموقع الرسمي

 



لوس انجلوس: ستديوهات Warner Bros.

ثاني ستديو ازوره في لوس انجلوس وهو Warner Bros.

التور في هالستديو كان شوي غير عن يونيفرسال ستديو اللي تكلمت عنه في هالبوست.

في يونيفرسال يراوونكم الخدع اللي يستخدمونها في الافلام وعقب يودونكم كذا ستيج عشان تشوفون..ويعني أغلبه مجهز للسياح بحيث أنه ممتع ويونس،يعني حتى اللي ماشاف هالافلام راح يستانس.وغير الالعاب والعروض الترفيهية.

ام وورنر بروز على طول يودونكم الستيجات والستديوهات ويراونكم كل قطعة والافلام اللي مثلو فيها ويقولون لكم عن الاسرار والاشيا اللي صارت في هالمكان..يعني شخصيا لاني متابعه كل مسلسلاتهم وبرامجهم فحسيت صج اني فاهمة شسالفه واستمتعت..ام اللي مايعرف هالمسلسلات والافلام ماراح يعجبه التور ^^"

شفت اماكن تصوير :

• سوبر مان
• وستديو بريتي لتل لايرز (بس التصوير ممنوع)
• ملابس وأغراض الممثلين اللي مثلو فيها..مثل ملابس اللي يمثلون في فريندز واغراضهم وحتى بطاقة عرس تشاندلر ومونيكا والرساله اللي كتبتها ريتشل حق روس من ورى وجدام واللي تهاوشو عليها..((وللاسف ممنوع التصوير-بطو جبدي-))
• المقاطع الخارجية في فرندز
• ذا مينتاليست
• جيلمور جيرلز
• متحف خاص بهاري بوتر (ملابسهم واغراضهم والخ)
• متحف خاص بالسيارات اللي استخدموهم في الافلام

معلومة:

وورنر بروز هم اللي انتجو مسلسل جوسيب جيرلز.. بس قالو ان المسلسل بس بدايته تصور في ستديو لكن عقب حسو ان الافضل يصورونه في شوارع نيويورك واماكن حقيقة عشان صج يعيشون الناس حياة نيويورك!! روعه صح؟

 

 

قبل التور كنا ننتظر في الGift shop *__* وناااسة

 

 

وعقب دخلونا سينما صغيره عشان نشوف فلم قصير عن الوورنر بروز واعمالهم من البداية وجي ^^"
وبعدها خذنا مال التور وركبنا الباص وبدينا الرحلة اللي كانت في ستيجات تصوير خارجية
 
 
 







صورو حلقة من ذا مينتلست في هالمكان على انه موتيل...عرفت الحلقة على طول :} لاني احب المسلسل ^^"
 
 

 
هالتمثال مجهزينه للاوسكار *_*
 

ستديو ايلين،وكانت موجودة داخل بس طبعا ممنوع ندخل ><" كل شي ممنوع عندهم :"(
 

واهني راسمين ريد جونز اللي في ذا مينتاليست على شاحنة نقل اغراض المسلسل..كوووول
 
 

 

الستيج الل صورو فيه فريندز *___*

 

 

وهالمكان صورو فيه فريندز،المشهد اللي فيبي تركض بطريقة تضحك لول شوفو الفيديو

وصورو فيه فلم ثاني بس والله ماتذكر شنو..لان كل مكان يصورون فيه الف شي وشي ومخي مايستوعب :"( لول

 

 

المستشفى في ER

 

بيت جيلمور جيرلز

 

 

 

السيارات اللي استخدموها في الافلام:

 سكوبي دو

 

 آرثر

 

 بات مان

 

هاري بوتر

 

 

ستيج فريندز..*_*

 

 

والحين صور للبروب هاوس..

واللي يحطون فيه أغراض وديكورات وأثاث ممكن اصحاب المسلسلات والافلام يأجرونها

 

 

 

مواهاهاها

بيانو فلم كازابلانكا

 

 

 هالستاند مأجرينه حق عرض فيكتوريا سيكريت...

 وهالكراسي حاجزينهم اصحاب 2 broke girls

 

تشارلي اند ذا جوكلت فاكتوري







 

 انتهى^^"

 

 

Warner Bros. Official Site