الأربعاء، 28 أغسطس 2013

دعاية القطرية وبرشلونه

 صارت الخطوط الجوية القطرية الراعي الرسمي لنادي برشلونة الاسباني هالسنة، وشفت اليوم دعايتهم بعنوان (A Team that unites the world) ووايد عجبتني الدعاية كفكرة وتصوير وتنفيذ وتستحق ان الواحد يشاركها معاكم ^ـ^

استمتعو ;)



الأحد، 11 أغسطس 2013

فطور في مطعم المياس

في ٢٨ رمضان قررت أفطر برع لأن كنت مقضية طول وقتي في الصالون استعد للعيد وماكان عندي وقت اسوي فطور خخخ .. وبما ان المياس ماصار له كم يوم فاتح اقترحته على زوجي مع انه مايحب الاكل اللبناني..لكن توكلنا على الله وقلنا نجرب، وهالمطعم يعتبر ثالث فرع في الخليج بعد الكويت والرياض.

أول مادخلنا المطعم كان شبه مزدحم ولم رحنا عند الطاولة قالت لنا الويترس ان الفطور مجاني O_O لأن المطعم للحين مافتح رسميا .. لوول الصراحة احراج بس قعدنا وقلنا نجرب $: .. وطبعا ماكان في مينيو بس هم قدمو لنا كل أكلهم عشان نجرب..


 بدو بالمشروب وعطونا خيارات للشوربه وبعدها قدمو لنا المقبلات الباردة وصراحة كانت كلها لذيذة..لكن أكثر أكثر شي عجبني من المقبلات (ورق العنب،التبولة،حمص المياس) وعاد مع المقبلات شبعنا الحمدلله لكن قالو لنا لا تو الناس باقي كورسات شكثر خخخخخ ياويلي ...





عقب جابو المقبلات الحارة وحبيت أكثر شي البطاطا الحرة..

وبعد المقبلات المين كورس، عبارة عن مشاوي ..
انا قريت فالنت قبل ماروح انهم مشهورين بكفته الكرز..يعني دامجين طعم الكفتة بالحلو واللي هو الكرز.. اممم شخصيا ماستسغت الطعم لكن زوجي اعجبته الكفته وايد.. وانا حبيت كباب الدجاج أكثر لأن عادة مايعجبني كباب الدجاج لانه يابس..لكن مالهم لييين لدرجة ان اول مرة ادري ان الدجاج ممكن ينطبخ بهالليونة + لذيذ!

 
وأخيرا السويت.. اللي تحت عاليسار حلاوة بالجبنة..كان شي جديد اجربه وحلو لكن بشكل عام بالنسبة لي مستوى الحلويات عادي ولو بروح مرة ثانية ماتوقع راح اطلب شي الا اذا اضافو حلويات ثانية.



في النهاية كانت تجربة حلوة واستانست وايد ان الاكل كان حلو و ماكنت ابي زوجي يفطر على أكل هو مايحبه من الاساس ويطلع مب حلو واتحطم عقب :"(
*ماقدر اقيم لكم الاسعار لان مثل ماذكرت الاكل كان مجاني.. بس من اللي قريته فالنت ان مستوى الاسعار (متوسط) بالنسبة للمطاعم اللي تقدم أكل بهالمستوى.
وأكيد بتكون لي زيارة قريييبه لأن صج كانت تجربة حلوة والأكل كان لذييذ ^ـ^



مطعم المياس
اللؤلؤة قطر
Parcel 18
المطعم موجود في قبة منفصلة قدام برج ٣٠ ، تقدرون توقفون السيارات فمواقف الزوار في برج ٣١. 





الاثنين، 5 أغسطس 2013

تنسيق الورد في الاكواب

أحب كل اسبوعين تقريبا اغير جو البيت بالورد..ودايما أفضل اني اخذ الورد وأنسقه بروحي أو احطه في المزهرية وانتهينا:P 
شفت صور كثيرة لناس يستخدمون الورد في الاكواب مثل اكواب ستاربكس أو أحرف أو غرشة الفيمتو ومن هالسوالف..فقلت اطبقها في أكواب عليها أحرف  و طلبت الأكواب من انثروبولجي على كلمة LOVE.. ممكن تاخذون على اسمكم /  HOME/OFFICE/NEW BORN أو شي تحبونه! 
عجبتني الاكواب حسيتها ممكن تنفع للورد أو للاقلام آو فالمطبخ 

سعر الكوب الواحد 30 ريال^ـ^

المهم،خذت الورد من بلازا هولندي ونسقته فالبيت.. ووايد عجبتني النتيجة النهائية.. 

عشان تنفذون الفكرة بتحتاجون:
1- الاسفنج الاخضر "مبلل"
2- ورد على ذوقكم
3- مقص
4- أكواب

*قصيت قطع مربعه من الاسفنج وحطيتهم فالاكواب.
*قصيت الورد بنفس الطول
*وقعدت انسق وارتب لين حصلت النتيجة اللي ابيها








^ـ^ انجوووي

الخميس، 1 أغسطس 2013

تلفزيون آبل - Apple TV

كنت اسمع عن ابل تي في من فترة طويلة لكن ماكان يلفت انتباهي او مايهمني وايد لأن كنت اشوف الافلام اللي خاطري فيها تورنت أو ديفيديات والمسلسلات اشوفها اون لاين..لكن خلال هال٦ شهور لاحظت ان مواقع المسلسلات تجييب المرض ولاتشتغل عدل وصرت صج صج ماقدر اتابع مسلسلاتي أو اجلها لان الموقع مايشغل الفيديو عدل. وماكنت احب اشتري المسلسلات على ايتونز لان احس ماتسوى عاللاب توب وعقب بحذفها عشان المساحة والخ..... لين طرا الابل تي في على بالي وشفت ان سعره مناسب فقلت اجربه!
وصج بصراحة كانت صدمة عاطفيه ان شلون مر هالوقت وانا ماادري بالضبط شسالفة ابل تي في
بكل بساطة (وقعت في غرامه) 3> 3> 




مميزاته:

١- تقدرون تشبكون الايفون والايباد واللاب توب: عن طريق الميرور، والتلفزيون ممكن يعرض لكم بالصوت والصورة! وجربت حتى فيديوهات انستاغرام وتشتغل بالصوت طبعا.

٢- ايتونز متوفر، لتخزين وتأجير الافلام والمسلسلات.

٣- في ابلكيشن خاص ليوتيوب: وانا حسيت يوتيوب بيكون فظيع عالتلفزيون خصوصا اذا كنت ابي اطبق دروس مكياج..بيكون اكبر و اوضح من اني اجيب اللاب توب او الايفون صوب عفسه المكياج @@"

4- كل الاغاني الموجودة في الايفون راح تنتقل للابل تي في + ومتوفر راديو ايتونز بعد

٥- تقدرون تعرضون سلايد شو للصور عالتلفزيون

٦- وبرامج ثانية لكن للاسف بعضها بس يشتغل فامريكا :(

٧- حجم الابل تي في صغير  (١٠x١٠)سم والريموت خفيف وصغيير D: ...يعني عادي ينحط فالشنطة وينفع للتنقل أو للسفر! 



يعني احسه حلو اذا ابي اراوي احد شي وانا عالايفون بضغطة زر اقدر احط ايفوني عالتلفزيون...او حتى العب العاب في الايباد او اقرا كتاب! يعني احس كل شخص ممكن يستغل الابل تي في بالشكل اللي يحبه!



متوفر الجهاز في
iSpace
Apple Website
99$