الأربعاء، 30 أبريل 2014

حبييت! (١)

  نويت بين فترة وأخرى اني اضيف لكم اشيا حبيتها فمواقع النت،يعني اشاركم بالاشيا الغريبة اللي احصلها وتعجبني ^ـ^ اضغطو عاللنكات عشان تعرفون وين تقدرون تحصلون هالاشياا.. 


نبدأ بالاكسسوارات والفلات :P


1 ERICKSON BEAMON حبييت هالشغابة للمناسبات احسها راقيه
2 MONICA VINADER الفتت نظري هالسوارة وفي منها الوان! ترى وايد حلوة فاللبس
3 MOSCHINO هالفكر لفت نظري من اول ماشفت الكولكشن فالفاشن شو! غريييب وعبيط بشكل مب طبيعي وانتشرت كفرات تقليد شكثر منه حتى قبل ماينزل الاصلي!
4 Charlotte Olympia بما ان مشتطة هالفترة للاشيا الصيفية احس سلبر شارلوت اولومبيا كيووت للصيف وشكله عملي


طاولة الطعام



حبييت هالالوان للربيع أو الصيف..مثل ماتلاحظون الوان تفتح النفس وغالبها الفوشي والاخضر!





واايد عجبني مفرش الطاولة حسيته أنثوي ويجنن و تخيلت انه راح ينفع لحفلة شاي للبنات وبالنسبة لذوقي العادة أميل للألوان الصارخة لكن لم شفت هالمفرش قررت ان اختار الوان الباستيل ههههه (ماعرفتني صراحة) وصج حسيت الواان رايقة وقلت حلاة الطاولة بورد البيونيز اللي تشوفونه في الصوره!




الأربعاء، 23 أبريل 2014

موضة الأناناس!

تتذكرون مرة وحدة العالم كله هب عالبومة؟ ولا عالثعلب؟ هالفترة لاحظت ان هابيين في الأناناس هيهيهي شي غريب بس بصراحة هالفاكهة مظلومة فزين حطو عليها السبوت لايت.
فكرة الاناناس جات من التروبيكال فاشن (موضة المناخ الاستوائي) اللي يستخدمون فيها الوان صيفية ومشرقة وحلوة ^ـ^



والشي اللي خلاني صج الاحظ الاناناس في اسواقنا لم رحت زارا هوم من فترة ومنزلين اشيا صيفية تجنن ومنها
اكسسوارات الاناناس!









شفت نفس القلاص في تمبلر هعهع




انا مشتطة على هالصيف لأنه بيكون اول صيف وانا متخرجة وبدون كورس صيفي فناوية ادخل نفسي فمود الصييف بكل  حذافيره ولعل الاناناس شي من الاشيا اللي بتحسسني بمتعه الصيف..وعلى فكرة اذا تبون احلى والذ اناناس في قطر روحو ميغامارت الحب <3

الجمعة، 4 أبريل 2014

لعبة Heads Up!

أول شي ابي اقوله مبروك علينا يوم الجمعة لان هذي اللعبة راح تغير اشيا كثييره فبيت ابوي لووول...بالعربي وداعا للملل..
اكتشفت هاللعبة اللي مسويتها آلين في مايو ٢٠١٣، واسمها Heads Up..

وهي ان واحد يمسك الايفون او الايباد فوق راسه ولازم اللي قدامه يسوون له حركات او يقولون قصة أو يغنون عشان الشخص اللي ماسك الجهاز يخمن شنو هو الاسم! كنا نلعب هاللعبة قبل اذا تخبرون هيهي ^ـ^





مواصفات اللعبة:
١- تلعبون مع شخص واحد أو أكثر من شخص.
٢- تقدرون تخزنون فيديوهات للاشخاص اللي يمثلون
٣- في اللعبه بتحصلون أقسام منوعه للتخمين (مشاهير،افلام،لغات،حيوانات،للأطفال،مدن) + تقدرون تصنعون قسم خاص فيكم

وحسيت حلو ان نصنع قسم خاص فينا لان احيانا اللعبة بالانجليزي ممكن تكون صعبة اذا في مصطلحات مانعرفها او صعبة للبعض..عشان جي انا سويت قسم بالعربي وسميته (رسوم)




* وحسيت بعد حلو لو تحطون اسامي اللي فالبيت او الاهل وممكن مثلا تمثلون على تصرفاتهم او الكلمات اللي دايما يقولونها..لوول بس بدون زعل!

* أو ممكن نلعبها مع أمهاتنا ان نحط اسامي اكلات عربية، ولازم تنذكر المقادير المميزة في كل طبخة او طريقة الصنع او التقديم!

وهذي فيديوهات في برنامج Ellen تلعبها مع المشاهير،عشان توضح لكم الفكرة أكثر! D: 

















Download from 
App Store iTunes / Android 
Price: 0.99$ 







الخميس، 3 أبريل 2014

عطر دولسيه من دولتش آند جابانا

 نزل عطر جديد من دولتش اند جابانا اسمه دولسيه , Dolce، وعجبني شكله والريفيوز عنه وقلت اشاركم لأن صراحة عشقي لعطورات دولتشه اند جابانا لاينتهي..يعني تقدرون تقولون كبرت مع عطوراتهم وكل عطر له ذكرى حلوة لأيام حلوة مرت فحياتي ولو تقولون لي شنو العطر اللي ممكن تشترينه ١٠ مرات راح يكون دولتش اند جابانا لايت بلو او ذا ون بالاضافة لمس شيري من ديور هعهع احبهم ^ـ^

لفت نظري العطر حسيته صج انثوي وللربيع، وفعلا لم قريت عنه الكونسبت مال العطر هو "فيمنن آند فريش" 


دولسيه
تصميمه راقي وفنتاج ويبين لون العطر داخل ولونه هاااادي وحلووو وآخر شي مثل مالاحظتو في وردة جميلة عالغطاة احس كشكل روعه ^ـ^
وبالنسبة لمكونات العطر فهو يتكون من 
Neroli Leaves, Papaya Flower, White Amaryllis, White Daffodil, White Water Lily, Cashmeran, Musky Notes, Sandalwood. 
ومتوفر من العطر بودي لوشن وشور جل:



صور من الحملة الاعلانية للعطر











حاليا العطر متوفر في دبنهامز ..
بالنسبة لسعره يبدأ من ٢٥٥ لل٣٠ مل ويختلف على حسب الحجم.


انا متشجعه اجربه من قلب *ـ* انتو شرايكم؟اذا جربتوه عطوني فكرة اذا يستاهل او لا


Update: العطر ريحته حلوه في البداية..بس خلال نص ساعه تختفي! فالواحد يشك فيه صراحة مب نفس باقي عطوراتهم القوية والثابته

الأربعاء، 2 أبريل 2014