آي لاف فاشن كافيه (دبي)

أهلا

من اسبوع كنت فدبي.. واحنا فالطريق للفندق لفت انتباهي كوفي شوب فاشن تي في! انصدمت صراحة لان اول مرة ادري ان عندهم كوفي شوب وكان فشارع عجيب مليان مطاعم وكوفي شوبات غريبة ذكرني واايد بنظام الروديو درايف ..فلوس انجلوس

المهم بعد المغرب قررت اروح اتقهوى فيه واجربه..وحاولت ابحث فالنت عن مكانه بالضبط عشان نقول للتاكسي بس للأسف ماحصلت شي اوفشل فالنت يوضح مكان الكوفي شوب او انه مفتوح اصلا!! 

يعني حصلت مواقع قديمة تذكر ان الموقع فاعمار بلفارد او امارات بلفارد!! ولم سالت الكونسيرج قال ان ماعنده فكرة عن هالشارعين بس الريال وباتصالاته قدر يطلع لي الموقع ووصلنا له بسهولة... وشفت لوحة مكتوب عليها "محمد بن راشد بولفارد" لوووول فاتوقع هذا اللوكيشن..

ودخلت ام التجارب عشان تجرب لوول 

وهذا المينيو..كان منوع وحلو واكثر شي منوعين في مشروباتهم

طلبت مالتيزرز شيك

و تشيز كيك

كان حلو الكوفي شوب وفيه شاشات عارضين فيها رن وي شو وتش از انترستنج

بس الشي الوحيد اللي ماعجبني فهالكوفي شوب وتقريبا لاحظت هالشي وايد فدبي..ان الشيشة والتدخين مسموحين فالمطعم كامل! احس حرام وفي ناس مالهم ذنب! 

و ذاتس ات ^ـ^

Location:

I love fashion Cafe OR Fashion Cafe

Downtown Dubai,Mohammed Bin Rashid BLVD
 next to Reem AlBawadi coffee shop