Universal
Studios / يونيفرسال ستديوز
يونيفرسال هي شركة افلام امريكية تأسست سنة
١٩١٢، والحين عندهم مدينة خاصة فيهم اسمها Universal city في لوس انجلوس واللي فيها
يونيفرسال ثيم بارك،سيتي ووك وستديوهات يونيفرسال اللي فيها ستيجات وستديوهات تصوير للافلام والمسلسلات. واحنا رحنا تور لهذي الستديوهات والثيم بارك :)
التور: Vip Studio Tours في هالتور تتنقلون
في الستديوهات بباص ومسموح لكم تنزلون من الباص بعكس التور العادي، وفي بوفيه ريوق
خفيف وبوفيه غدى وتقدرون تلعبون كل العاب يونيفرسال بارك ويكون لكم اولوية في طابور
اللعبة! وبصراحة العابهم متطورة وتجنن مووت..
الستديوهات ينتجون فيها افلام ومسلسلات
وفيديو كليبات واعلانات! يعني تخيلو اغلب الافلام والمسلسلات اللي تشوفونها
مصورينها في ستديو مش في موقع حقيقي! ايه نعم! الستديو عبارة عن مدينة كبيرة فيها
شوارع اسسوها على انها تمثل دول معينة مثل الصين او لندن او منطقة صحراوية او اي
مكان يخطر على بالكم! والمباني اللي فيها عبارة عن رسمة ثلاثية الابعاد...بالتالي
المقاطع الخارجية في الفلم يصورونها في هالمدن الصغيرة المركبة والمقاطع الداخليه
يصورونها في ستديو يسمونه Sound Stage وهو عبارة عن مبنى كبير يكتم الاصوات
الخارجية ويبنون داخله اي شي يبونه عشان يمثل بيوت او مطاعم او اي
شي!
بتفهمون أكثر لم تشوفون الصور ;)
أول شي رحنا مبنى التور وخلونا نقعد لين يبدأ وقت التور
هذا بوفيه الريوق مالهم...هههه بالنسبة لنا خفايف
وعطونا هالاشيا لان بنطول فالتور..معقم,مرطب شفايف,مناديل رطبة,حلاوة وكيس عشان نلبسه في الالعاب اللي فيها ماي..
وعقب طلعنا ورحنا مكان الباص اللي بيودينا التور
واهني شكل الستديوهات من برع،لو تركزون بتلاحظون كذا مبنى وكذا فكرة وصورو فيه افلام ومسلسلات من سنين في هالموقع بس!!..وشوفو بعد من ورى بتلاحظون في لوح!!يعني هالاشيا اللي بانينها مجرد خلفيات رسومات او ثلاثية الابعاد!
وفي التور كنا نمشي في هالشوارع ويراوينا التور جايد المواقع والافلام اللي صوروها فيها!
اول شي ودونا ستيج عشان يراوونا السيت كامل لمسلسل Parenthood
وهذا شكل الستيج من برع..يكون مبنى كبير ويكتم الأصوات الخارجية،ويحتاجونه بعد عشان يركبون الاصوات في المسلسلات والافلام. بس هذا مش بالضبط الستيج اللي دخلناه لان ماصورته :P
وهذا الستديو من داخل:
المطبخ:
المطبخ:
كان حلو كأن صج في ناس عايشين فيه لأن مهتمين في كل التفاصيل!!
المهم وبعدها طلعنا نتمشى في الستدويهات الخارجية
في هالمكان صورو اكثر من فلم ومسلسل!!
وهالمكان كان بيت دوكتر شيبرد في جريز اناتومي بس من برع..ورى هالباب مافي شي :P
وأيضا كان بيت لعدة أفلام ومنها فلم لجيم كاري نسيت شسمه ><"
هالمكان مسوينه على شكل شارع كوبوي..عشان يمثلون فيه الافلام اللي من هالنوعية
واهني ستيج ديسبريت هاوس وايفز..ويسيتيريا لين
عاد اهني قلبي فز وتخربطت وماعرفت شصور وشخلي..
وهذا المكان صورو فيه فلم War of The Worlds
هالطيارة اللي تشوفونها صجية..المخرج ستيفن سبيلبرج وداها البر وفجرها وجابها الستديو ههعهعهع..يسوون اي شي عشان الفلم!!
وعشان تشوفون المقطع من الفلم لهالسيت،شوفو هالـتريلر..طوفو لين 1:17
وبعد رحنا Prope warehouse
عبارة عن مبنى فيه أغراض(الاغراض اللي يستخدمونها في الافلام من الألف لين الياء)
مثلا الاثاث،الديكورات،الاكسسوارات... وحتى الأكل!! لأن بعض الافلام يستخدمون أكل صناعي ^_^ (يالها من صدمه) صح؟
يونيفرسال ستديوز تمتلك كل هالاغراض وتأجرها بشكل اسبوعي لأصحاب الافلام والمسلسلات.واذا ضيعو اي غرض يدفعون سعره الكامل طبعا هعههع..انا كنت اتحسب لم يخلص المسلسل كل واحد ياخذ اللي يبيه..بس الموضوع طلع غير كلش كلش..يعني حتى لو ركزتو عادي تحصلون اشيا مكررة في الافلام من 10 سنين لليوم
خل نقول مثلا منتج مسلسل بارينت هوود,يعطي مصمم انه يصمم المطبخ في الستديو..فهالمصمم يروح البروب وير هاوس ويروح يختار الاغراض اللي بتنفع من اكسسوارات وعلب وقواطي اكل صناعيه كديكور للمطبخ ..والكراسي والطاولات والخ!! وعقب يأجرهم ويدفعون عليهم ولازم يرجعون الأغراض في وقت محدد!! وبصراحة انا شفت الاسعار غالية على اشيا تافهة..واذا ضيعو شي لازم يدفعون سعره الاصلي وتقريبا في اشي تطوف ال70 الف ريال!! لأن عندهم انتيكس واشيا مال 20 سنه وأكثر!! المهم حزتها صج حسيت ان الافلام تحتاج ميزانية كبيرة كبيرة كبييييرة..للممثلين وللديكور.ولتأجير الستديو نفسه!!!!
هالاغراض مرجعينها من فلم Ted
واهني حاطين اسامي الافلام والمسلسلات اللي اجرو من عندهم
هذا مثال بسيط للبروبس.. اشكال والوان للتلفونات تخدم جميع الاذواق..يعني لو يبون يمثلون فلم مال السبعينات راح يحصلون تلفون خاص بهالفترة ..
وكان في العاب وأكل واكسسوارات وكتب وكل حاقة تخطر على بالكم!
وأخيرا صج كان التور فظيع ويستاهل ان الواحد يجربه
استانست في كل ثانية صراحة^_^"
ليست هناك تعليقات:
إرسال تعليق