Paris in Four Days | Jardin du Tuileries

حديقة حلوة مقابلة فندقنا على طول، قضينا فيها نص يوم..فيها العاب للاطفال بس قليلة وماتنذكر..بس مشت الحال حق  .سلطان..واللي حبيته ان فيها كذا كافيه للوجبات الرئيسية والخفيفة

الحديقة مقابلة متحف اللوفر فاحس مكانها استراتيجي جدا للي يبي يروح اللوفر وعقب يتمشى فيها :)

صور

حديقة لوكسمبورغ | Paris in Four Days

حديقة جميلة جدا،حلوة للتمشي والاسترخاء مع العايلة،

 فيها كافيهات وبحيرة جميلة ومنطقة العاب اعجبت سلطان،تناسب عمر الاطفال من سنه وطالع.

صور:

Paris In Four Days | Paris In Black and White

Koh Samui,Thailand

شهر ٣ رحت تايلاند لأول مرة فحياتي...وكانت الوجهة لجزيرة كوه ساموي

المنتجع اللي سكنا فيه هو Four Seasons Koh Samui

اول ماوصلنا لجزيرة كوه ساموي كانت سيارة الفندق تنطرنا،وفالطريق وانا اشوف حياتهم وبيوتهم....قلت ربي يستر المكان شكله تعبان جدا ورايح فيها..بس عقب اول ماوصلنا قريب الفندق كل شي تغير سبحان مغير الاحوال..الفندق موجود في قمة جبل ومعزول ونظيف وراقي جدا ^ـ^

الصراحة المنتجع روعة روعة ووايد ممتاز!! اقدر وبكل ثقة اقول انه من أفضل الفنادق اللي سكنت فيها!

 المنتجع نفسه عجيب والاكل حلو وحتى الجو كان حلو مش واجد حار مثل ماتوقعت..

قبل ماسافر ماخليت شي ماشريته..سبريه الحشرات،شنطة البحر،اغراض حق سلطان للاستحمام،سلبرز لي ووايد اشيا..وانصدمت ان اول ماوصلنا الغرفة ان كل شي شريته متوفر عندهم!! حتى اكل للياهل متوفر ويجيبون منه كل يوم..

في السبا ^ـ^

 سلطة لذيييذة من قلب بس سبايسيييييييي

 ادمنت الكاري الاخضر في تايلاند والله *ـ*

وأخيرا،
فالمنتجع في كلاسات منوعة..يحطون لكم جدول الفعاليات الاسبوعي فالموقع او الغرفة وانا اخترت كلاس تزيين الاكل

ارجع لهالمنتجع؟

نعم نعم نعم!

Ennetbürgen - Hotel Villa Honegg

منطقة Ennetbürgen قريبة من ليوزيرن، سكنا ففندق كان عاجبنا فيها وعلى ان بنطلع من الفندق عشان نتمشى في ليوزيرن!

بس الصراحة الفندق كان شي مش طبيعي لدرجة ان ماطلعنا منه كللللش الا واحنا نسوي جيك اوت *ـ*

من الاشيا العجيبة فالفندق..سجادة الصلاة،سهم للقبله،في مقبلات عربية،اكل حلو،ستاف طيب...والمنظر من الفندق رائع رائع..والمكان هادي جدا مانسمع الا صوت اجراس البقر..متعة لاتوصف!

Interlaken 2015

بعد زيورخ قعدنا في انترلاكن ٣ ايام..

كل اللي سويناه تمشينا في السيارة واستمتعنا فالمناظر الطبيعية الخلابة

في انشطة كثيرة وجبال ممكن الواحد يروحها بس لان سلطان كان عمره شهرين ونص ماكنا نبي مغامرات متعبة واكتفينا بالدوارة بين البحيرات والجلسة والتقهوي فالفندق *ـ*

وهذي الصور