صور أثاث واكسسوارات ماكنزي جايلدز

السلام عليكم ورحمة الله وبركاته

حبييت اشاركم بصور صورتها لاثاث واكسسوارات ماكنزي جايلدز Mackenzie-Childs لم كنت في امريكا العام..كان بالضبط في قسم الاثاث في نيمان ماركس

! احب ماكنزي جايلدز لان احس قطعهم ثمينة وكل قطعه مصبوغة باليد فصعب ان تحصلون قطع متشابهة..

وبعد لان دايما اتخيل مطبخي الحلم يكون اسود وابيض واحمر (اللي راح يتنفذ ان شالله قريب 3> ) فاحس باستخدام اكسسوارات ماكنزي جايلدز اقدر انفذ هالشي وحتى اثاث الحدايق عندهم بالوان تجنن تفتح النفس! 

انا تكلمت عن ماكنزي جايلدز في بوست سابق تقدرون تشوفونه اهني 

اقرب فرع فالخليج لمكنزي جايلدز موجود فالكويت ويوصلون الاثاث لاي دولة فالخليج

وفي قسم لماكينزي جايلدز في لندن (هارودز)

والمحلات الرئيسية موجودة في نيويورك وفلوريدا (شوفو عناوينهم اهني)

وتقدرون تشترون اكسسواراتهم من هذي المواقع/المحلات:

Saks Fifth Avenue

Nieman Marcus

Harrods

C Wonder

لم كنت في دبي محل C Wonder لفت انتباهي جدا جدا..كنت في بلومينغديلز ادور وفجأة شفت مكان جي ملون ويفتح النفس وفيه اكسسوارات للبيت والمطبخ وفيهم احرف وحركات تونس وقلت بشاركم لان يمكن في حد مثلي يحب هالسوالف *ـ* احسه للناس اللي يحبون الالوان اللي فيها حياة وتعطي نشاط :)

وفي فرع ثاني في مول الامارات ويعتبر أكبر وفيه اشيا اكثر مثل الملابس والاكسسوارات..ويقدرون بعد يحطون لكم الاحرف اللي تبونها على بعض أغراضهم..المحل في الاساس امريكي واللي يميزه ان يوفر للزباين بضاعة تمثلهم بتوفير اشيا خاصة فيهم عن طريق الاحرف المطبوعه او المحفورة او المطرزة وبالالوان اللي يحبونها..

C Wonder - Taxi TV from NW on Vimeo.

  الاشيا اللي حبيتها من موقعهم

Beach Day Theme

Website:

http://www.cwonder.com

اسكريم غريسة

اسكريم غريسة هو اسكريم قطري يقدم نكهات عالمية ولكن اللي يميزه انه يقدم نكهات عربية خليجية مثل اسكريم بالمستكة  

والرهش  وماي الورد و التمر.

 جربته من فترة واول شي لفت بالي فيه ان مافيه سكر وايد..يعني نقدر نقول شي خفيف وصحي وبعد عندهم نكهات خالية من الجلوتين واللاكتوز وفوق هذا اسكريم خالي من السكر وقليل السعرات خاص لمرضى السكري واللي يسون رجيم! اعتقد بيرفكت للي يبون يبردون على قلوبهم في الصيف بدون مايحاتون السعرات...وانا شخصيا هالفترة احاول ان اقلل من السكريات فأكلي فاتوقع هاي شي واايد مناسب لي ^ـ^"

ومن الخدمات اللي يوفرونها لكم بعد التوصيل للمنازل بشرط ان الطلب مايقل عن ٥٠٠ ريال، وتبدأ احجام التوصيل من الحجم الصغير لحجم الحفلات!

وأخيرا! والشي اللي جد عجبني ان عندهم خدمة للمناسبات ويوفرون لكم عربة اسكريم لحفلات البيت واتوقع هالشي واايد حلو لجمعات الصيف، بس لازم تطلبون قبلها ب ٣ أيام.

لم زرت المحل ،الستااف كانو وايد طيبين وفاهمين بالنكهات ويشجعون ان نجرب كل شي واول تجربة لي لاحظت ان الاسكريم ماصخ شوي يفرق عن باقي محلات الاسكريم اللي تحسون بقوة النكهة والحلاوة (السويتنس)، واتوقع هالشي لان الاسكريم مثل قوام الجيلاتو (و لربما هو جيلاتو اصلا :P ) واللي يميز الجيلاتو ان يكون فيه دهون وسكر اقل...

للتواصل:

44411230 - 6662 8660
instagram: gharissaice

E-mail: info@gharissaicecream.com

الوكرة-شارع عبدالرحمن بن جاسم

موضة الأناناس!

تتذكرون مرة وحدة العالم كله هب عالبومة؟ ولا عالثعلب؟ هالفترة لاحظت ان هابيين في الأناناس هيهيهي شي غريب بس بصراحة هالفاكهة مظلومة فزين حطو عليها السبوت لايت.

فكرة الاناناس جات من التروبيكال فاشن (موضة المناخ الاستوائي) اللي يستخدمون فيها الوان صيفية ومشرقة وحلوة ^ـ^

والشي اللي خلاني صج الاحظ الاناناس في اسواقنا لم رحت زارا هوم من فترة ومنزلين اشيا صيفية تجنن ومنها
اكسسوارات الاناناس!

شفت نفس القلاص في تمبلر هعهع

انا مشتطة على هالصيف لأنه بيكون اول صيف وانا متخرجة وبدون كورس صيفي فناوية ادخل نفسي فمود الصييف بكل  حذافيره ولعل الاناناس شي من الاشيا اللي بتحسسني بمتعه الصيف..وعلى فكرة اذا تبون احلى والذ اناناس في قطر روحو ميغامارت الحب <3

معارض قطر من شهر ابريل حتى يوليو

بإمكانكم مشاركة الصورة
واللي عنده أي فكرة عن معارض ماذكرتها ياريت تعطوني خبر عشان اضيفهم ^ـ^

ميموز فاكتوري

من فترة مريت على مول دار السلام واكتشفت محل يجنن فيه صواني أكل للبيع وفيه أدوات مطبخ..
المهم وانا اتمشى فالمحل قلبي يتمزق مع كل خطوة :"(
احس اللي سوى/ت المحل فاهم اللي فخاطري عدل عدل عدل..ومن خبرتي فمحلات أغراض المطبخ فالدوحة،اعتبر ميموز فاكتوري من أفضلها!
المتوفر فالمحل صواني حلويات وموالح وسندويجات،ويسون كوكيز وكيك عالطلب

وأيضا يوفرون أجهزة طبخ KitchenAid..واستانست لم شفت عندهم خلاط الكيك الوردي *ـ* مب قلت لكم فاهمين اللي فقلبي؟ لأن صار لي أكثر من سنة انطر تيبل ارتس اللي في لاجونا انهم يجيبونها!

المهم الحين براويكم الصور..وان شالله يعجبكم مثل ماعجبني وطبعا الصور توضح شي بسيط من اللي عندهم *ـ*

هالباودر يستخدمونه لصنع الرويال ايسنج للكوكيز..وماينباع عندنا فالجمعيات،لكن بتحصلونه عندهم

أدوات الطبخ لليهال

Information:
Memo's Factory-Dar Alsalam Mall
Tel:44417717
Mobile: 33059000
Flickr
Instagram: memos_factory