اليوم يبت لكم صور من محل في فيلاجيو عجبني وايد وايد..
هالمحل دخلته مرتين في حياتي..المرة الأولى ماكنت اهتم في الاثاث ولا ادوات المنزل ولا الطبخ ولاهم يحزنون :P
فماعجبني وماكان يعني لي شي!
اما المرة الثانية كانت هالشهر..وبصراحة لم شفته مادري اغراضه تغيرت 180 درجة ولا انا ماكنت منتبهة قبل *_*!
وايد عجبني..وانصدمت جدا جدا لم شفت ان عندهم اغراض بانتون للبيت :O
بانتون هي الشركة اللي تختار الوان موضة الفصول للاثاث والفاشن .. كتبت عنهم اهني
وايضا حصلت اشيا غريبة عجبتني وايد..كنت اشوفها في دبي مثل بلومينجديلز و جاليريزلافاييت وماكنت اقدر اشتريها لان اغلبها زجاج وصعب انقل هالاشيا
ومن الاشيا اللي كان خاطري فيها بعد .. المزهرية اللي على شكل ليت..كنت اشوفها في النت وكانو يحطون دروس شلون تقصون الليت وجي..بس احس انا مب مال هالسوالف فاستانست لم حصلت فازة جاهزة..
والحين اخليكم مع الصور :")
هالصور خذتها عالسريع قبل ماطلع..
متأكدة ان في اشيا حلوة ماكان عندي وقت اني اصورها..بس اللي تحب هالسوالف انصحها تروح وتشوف :P
..
انزين عندكم فكرة عن المحل ولا انتو نفسي اول مرة تشوفون اغراضه اللي جي؟ لان هو فاتح اكثر من سنتين ترى :O
Info:
SINGWAY
Vilaggio Mall-Qatar
Tel: 44135105
العيد،النجاح،أعياد الميلاد،بداية الاجازة،الخطوبة،بدون سبب لشخص تحبه وتعزه 
هعهع)
