اهلا و سهلا :)
قضيت أول يوم عيد في السوق..هههه لأن مافي شي نسويه فقلنا نروح نشوف مجمع كان قريب من بيتنا..وهو مجمع
Galleria Houston. والله خوش مجمع..عجبني وااايد^^"
وأكثر شي عجبني عندهم الديبارتمنت ستورز! أشيا عالمية ومميزة وأسعار مختلفة
طبعا خذت كاميرتي معاي عشان كانت هالطلعه استكشافية.
اخليكم مع الصور-اضغط عالصورة لجودة أفضل.
APPLE
طبعا كعاده المحل,تحسون نفسكم في البيت..لن الشركة مجهزة المحل للناس عشان يزورون ويستكشفون بضاعتهم وما الى ذلك..
ولاحظت شي حلو بعد..انهم حاطين معلومات الاجهزة عالاي باد.يعني معلومات عن السعر و المواصفات...
Bath&Body Works
هالمحل ماعرف شلون اوصفه بصراحة,صج صج ماعرفت شختار..خذت لي وللاهل منه :P
وفيه شموع Slatkin & Co.
وبعد كريمات بنك مال فيكتوريا سيكريت.
Victoria's Secret
Neiman Marcus
ديبارتمنت ستور,نيمان ماركس روعة شوي عليه!
فيه أغلب الماركات العالمية وأيضا بضاعته منوعة..شنط وملابس وأحذية وعطورات وكريمات .
ولأني محظوظة..البضاعة كانت جديدة وكلها مالت الخريف.
وصورت فيه شنط سيلين,لأنها صج حلوة والكل طايح عليها هالفترة..وقالت لي اللي في المحل ان بعد كم يوم راح يجي كوليكشن جديد..لن الشنط مخلصه خلاص..نفس الدوحة..الشنط مخلصه!هههه الحق ماتلحق!
وهذا بوتيك شانيل داخل نيمان ماركس
واول ماطلعت من نيمان شفت تيفاني..محل المفاتيح هيهيهي
وجنبه فيندي بكوليكشن جديد عالنافذة..وانا طبعا بنتحر لان هالفتره مليون الف شنطة في بالي..وبموت واخذهم.
YSL
وطبعا وصلت هدفي المنشود وهو سانت لوران..عشان الخواتم اللي ذابحة البنات..وذابحتني طبعا هيهيهي
انا كنت حاطة في بالي الكحلي,بس لم شفتهم احترت..كل واحد احلى من الثاني..
وللأسف ماكان في الحجم اللي ابيه فاضطريت اطلب وراح يوصل بعد كمن يوم..وبصراحه شكلي باخذ غيره..مايتفوت!
وعشان تسويلي الحرمة الطلب خذت وقت فقمت اصور اسلي نفسي,والريال مسكين كان يضبط لي الشنط عشان تطلع صور حلوة..ههه ذكروني في الدوحة..لو رفعت الكيمرا بيقولون لنا ممنوع تصورون واحنا عندنا مصورين خاصين والخ..خفو علينا بس..والله كرهت اطلع الكيمرا معاي في الدوحة..
شوفو الصور,وشوفو الشنط اللي عذبتني وعذبت قلبي((ترى انا مدمنة شنط((
الشنطة الثانية صج صج صج صج دشت خاطري وبقوة بعد..والله صج واايد عجبتني..وتوها نازلة من كذا اسبوع على كلامهم!
انا قبل كنت حاطة الاولى في بالي((قلت لكم وايد شنط في بالي))..بس لم شفت الثانية..قلت لا لا هذي وايد احلى..والوانها روعه بعد
ولمحبين التايجر..ها ها ها
عذاب تايم
NORDSTROM
وهذا أيضا ديبارتمنت ستور..حلو وأسعاره مناسبة..عجبتني الفساتين اللي فيه..وشكلي باخذ للمناسبات الجاية^^"وان شالله بحط صور للفساتين المره الجاية..بس اخليكم مع الصور اللي صورتها
ملاحظات عامة:
- في شي عجبني, في محلات العطورات والديبارتمنت ستور..مافي احد يلحقك بالعطورات ويقولك شم شم شم..اخخخخ شقد هالحركة تموتني تذبحني..يعني احس انا داخله وفي بالي شي..يكونون عند الباب يعكرون مزاجي بهالعطورات..او أحيانا في عطر في بالي ابي اشمه..يسدون خشمي بباقي العطورات...لكن اللي لاحظته اهني..من بعيد تسالك ودك تشم عطر؟ نقولها لا شكرا..تقول اوكي ..يوما سعيدا!..وانتهى الموضوع..مب نفس الخليج..ناخذ لفات في المحل عشان نشرد عنهم...لان كل اللي يشتغلون في المحل بيلاحقونك بالعطورات...
وبس...انجووووي يور دي
